കോടികളുണ്ട് ബാങ്ക് ബാലന്സ്
ആഡംബര കാറുകള് നിരവധി
കൊട്ടാരതുല്യമായ വീടുകള്, ഫ്ലാറ്റുകള്
റിസോര്ട്ടുകള്, എസ്റ്റേറ്റുകള്
ധനികരുടെ പട്ടികയില് മുന്നിലെത്താന്
മത്സരിക്കുന്ന പരിശുദ്ധാത്മാക്കള്
അവരുറക്കത്തിലാണ്,
കോടിക്കണക്കിന് ദരിദ്രരുടെ മുഖം കാണാതിരിക്കാന്,
പട്ടിണിയും ദൈന്യതയും എന്തെന്നറിയാതിരിക്കാന്,
വേദനയെന്നത് വരും തലമുറകള് പോലും അനുഭവിക്കാതിരിക്കാന്,
ഏസിയുടെ സുഖ ശീതളതയില് അവരുറങ്ങുകയാണ്...
ഇനിയൊരു കൂട്ടര്, അധികാരികള്...
പാവങ്ങളുടെ കണ്ണീരൊപ്പുമെന്ന വാഗ്ദാനവുമായി
വോട്ടു തേടി സിംഹാസനത്തിലേറിയ പ്രബുദ്ധന്മാര്,
സെന്സെക്സ് സൂചിക താണുപോയാല് അതുയര്ത്താന്
എന്തു തീരുമാനവുമെടുക്കാന് മടിയില്ലാത്തവര്,
വിശപ്പിന്റെ സൂചിക ഉയരുന്നത് കാണുന്നേയില്ല,
കാരണം അവരും ഉറക്കത്തിലാണ്....
എന്തിനേറെ, വീടു കാക്കാനേല്പ്പിച്ച
കാവല് നായ്ക്കള് പോലും നിദ്രയിലല്ലേ?
ന്യായപാലകര്, സമാധാന സൂക്ഷിപ്പുകാര്,
അന്യായത്തിനും അക്രമത്തിനും മുന്നില്
അവരും കണ്ണടയ്ക്കുന്നു,
ആയുധങ്ങളും സന്നാഹവുമേറെയുണ്ടെങ്കിലും
നിദ്രാദേവിയുടെ കടാക്ഷം അവരെ താങ്ങുന്നു...
‘ആരുമില്ലാത്തവര്ക്ക് ഈശ്വരന് തുണ’
പറയാനെന്തെളുപ്പം!
പക്ഷേ, ആരുമില്ലാത്തവര്ക്ക് ആരുമില്ലന്നറിയൂ,
എന്തെന്നാല് ഈശ്വരനും ഗാഢ നിദ്രയിലാണ്!
പാവങ്ങളുടെ നിലവിളി കേള്ക്കാതിരിക്കാന്,
ദരിദ്രന്റെ ഒട്ടിയ വയര് കാണാതിരിക്കാന്,
ചേറില് മുങ്ങിത്താഴൂന്നവന് കൈത്താങ്ങ് നല്കാതിരിക്കാന്,
ഒരു പക്ഷേ പ്രഭുക്കളുടെ കോടികള് വരുന്ന
വഴിപാടുകളില് മയങ്ങിയിട്ടോ
ആള് ദൈവങ്ങളുടെ ബഹുലതയില് മടുത്തിട്ടോ ആവാം,
അദ്ദേഹവും അനന്ത ശയനത്തിലാണത്രേ.....
എല്ലാവരും നിദ്രയിലാണ്,ഞാനും നിങ്ങളുമെല്ലാം,
കണ്ണുകള് മുറുക്കിയടച്ച്,
അസ്വസ്ഥതയുടെ ശവപ്പറമ്പായ മനസുമായി,
മുറിഞ്ഞ് പോകുന്ന, ഞെട്ടിയുണരുന്ന,
അപൂര്ണ്ണമായ ശയനത്തിലാണെല്ലാവരും...
ഒന്ന് കണ്ണ് തുറന്നു നോക്കൂ...
ചെളിയിലും നിരത്തിലും പാറമടയിലും
കത്തിയെരിയുന്ന സൂര്യനു കീഴില്
പെയ്തിറങ്ങുന്ന മേഘക്കൂട്ടങ്ങള്ക്കിടയില്
ചോര നീരാക്കി പണിയെടുക്കുന്നവര്,
നമ്മുടെയൊക്കെ മുന്നില് കൈനീട്ടുന്ന ബാല്യങ്ങള്,
എച്ചില് തെരയുന്ന മനോരോഗികള്,
വൈകല്യങ്ങളുടെ പേരില് അനാഥരായവര്,
അരുണ കിരണങ്ങള് മങ്ങുമ്പോള്
റോഡരികിലോ കടത്തിണ്ണയിലോ കൊച്ചു കൂരയ്ക്കുള്ളിലോ
സ്വസ്ഥമായി ശാന്തമായി അവരുറങ്ങുന്നു,
ഒന്നുമറിയാത്ത നിദ്ര, അടുത്ത പുലരി വിടരും വരെ....
അവരും നിദ്രയിലാണ്,
തനിയേ അടഞ്ഞ കണ്ണൂകള്,
ചിന്തകളില്ലാത്ത മനസ്,
മുറിഞ്ഞ് പോകാത്ത, ഞെട്ടിയുണരാത്ത,
തികച്ചും പൂര്ണ്ണമായ ശയനം!
അത് കാണാനെങ്കിലും
ഈ കപട ശയനത്തില് നിന്ന് നമ്മളുണരുമോ?
13 comments:
അവരും നിദ്രയിലാണ്,
തനിയേ അടഞ്ഞ കണ്ണൂകള്,
ചിന്തകളില്ലാത്ത മനസ്,
മുറിഞ്ഞ് പോകാത്ത, ഞെട്ടിയുണരാത്ത,
തികച്ചും പൂര്ണ്ണമായ ശയനം!
അത് കാണാനെങ്കിലും
ഈ കപട ശയനത്തില് നിന്ന് നമ്മളുണരുമോ?
നല്ല വരികള്.
നന്നായിരിക്കുന്നു ചിന്തകള്
നല്ല വരികളും യോജിച്ച ചിത്രങ്ങളും...
നല്ല വരികള് .. പക്ഷെ നീളം കൂടിപോയില്ലേ എന്നൊരു സംശയം.അതൊരു സംശയം മാത്രമായ് തന്നെ ഇരിക്കട്ടെ.
ഇനിയും എഴുതുക.
സത്യം എത്രയോ ഭീകരം! തുപ്പനുള്ള കോളമ്പിയും, ഭഗവാനു മുമ്പില് കത്തിക്കാനുള്ല നിലവിളക്കും, ഒരേ മൂശ്ശാരി,ഒരേ ലോഹം കൊണ്ടുണ്ടാക്കുന്നു. ദൈവവും, ഒരു മൂശ്ശാരിയെപോലെ രണ്ട്ടു തരം ജനങ്ങളെയും സൃഷ്ടിക്കുന്നു.- എന്തൊരു ലോകം!
നന്നായി.
വാല്മീകീ, അപ്പൂ, ശ്രീ,വായനയ്ക്കും അഭിപ്രായത്തിനും നന്ദി.
ദീപൂ,ഈയിടെ ബസ് സ്റ്റാന്ഡില് കണ്ട ഒരു കാഴ്ചയാണിതെഴുതിപ്പിച്ചത്, പുതുമയൊന്നുമില്ലെങ്കിലും മനസില് വന്നതൊക്കെ എഴുതിക്കൂട്ടിയപ്പോള് നീളം കൂടിപ്പോയി, ഇനി ശ്രദ്ധിക്കാം, അഭിപ്രായം അറിയിച്ചതിന് നന്ദി.
ദേശാഭിമാനീ, സത്യം എത്രയോ ഭീകരം!
വെയിലിനും നന്ദി.
ഒരു പക്ഷേ പ്രഭുക്കളുടെ കോടികള് വരുന്ന
വഴിപാടുകളില് മയങ്ങിയിട്ടോ
ആള് ദൈവങ്ങളുടെ ബഹുലതയില് മടുത്തിട്ടോ ആവാം,
അദ്ദേഹവും അനന്ത ശയനത്തിലാണത്രേ.....
മനോഹരമായ വരികള്...
ആശംസകള്...
Hello. This post is likeable, and your blog is very interesting, congratulations :-). I will add in my blogroll =). If possible gives a last there on my site, it is about the CresceNet, I hope you enjoy. The address is http://www.provedorcrescenet.com . A hug.
ആപ്പിളേ,
ഞാന് ഈ പോസ്റ്റു കണ്ടില്ലായിരുന്നു.അഗ്രിഗേറ്ററില് വന്നില്ലായിരുന്നോ.വളരെ നല്ല പോസ്റ്റ്.പതിവുപോലെ സാമൂഹികപ്രതിബദ്ധതയുള്ള ഒരു മനസിന്റെ വിഹ്വലത തെളിയുന്ന വരികള്.എന്തേ പുതിയപോസ്റ്റൂകള് വൈകുന്നത്?
മേലാല് നിങ്ങള് എഴുതരുത്. ഞാന് തുടങ്ങി.
Hello. This post is likeable, and your blog is very interesting, congratulations :-). I will add in my blogroll =). If possible gives a last there on my blog, it is about the DVD e CD, I hope you enjoy. The address is http://dvd-e-cd.blogspot.com. A hug.
Post a Comment